Napag-iisip isip mo na ba ito?
O isa ka sa kanila?
Isa ka sa kanila na walang pakialam, basta nabubuhay, basta may load at basta may syota?
Isa ka sa mga taong pinagtatawanan ang mga taong nagmamartsa mula sa mga pinagtatrabahuhang hacienda hanggang mendiola?
Isa ka sa mga nagmamayabang na salik ng lipunang bulag na sa sitwasyon ng bayan?
Isa ka sa mga nagwawalang bahala sa mga nangyayari sa ating bansa?
Hindi ka nakakatawa.
At lalong hindi kahanga-hanga.
At lalo naming hindi ok lang.
Isang kayabangan! Isang kahangalan!
Pero bakit ka tutulad sa kanila? Kung ikaw sa sarili mo kaya mong maghasik ng tunay na pagbabago!
Makiisa. Tumindig at isiwalat ang damdamin para sa bayan!
UMASA!
Ito na ang panahon ng pagbabago at walang mangyayari kung uupo ka lang at hindi makikialam! Magbasa. Magsaliksik. Magpahayag. Makiisa.
Ito ang iyong bansa, ito ang sumasalamin sa kaugaliang isinasabuhay mo, ito ang luklukan ng iyong lahi at ng iyong kaluluwa.
Ito ang iyong PILIPINAS!
No comments:
Post a Comment